Якутларның «Асыах» милли бәйрәме Түбән Камада 2026 елның 13 июнендә узачак. Бу хакта Түбән Кама муниципаль районы башлыгы Радмир Беляев үзенең телеграм-каналында хәбәр итте.

Чараның нечкәлекләре турында шәһәр башлыгы Саха (Якутия) Республикасы башлыгы Айсенов Николаев белән эш сәфәре вакытында фикер алышты. Моннан тыш, яклар башка уртак инициативаларны да карады.

«Безнең өчен Якутск белән мәгариф һәм мәдәният өлкәсендә, төзекләндерү һәм мастер-планлаштыру проектларында, туристлык инициативаларын үстерүдә, ТКХ хезмәтләренең системалы эше һәм авария хәлләрен бетерүдә тәҗрибә уртаклашу кызыклы. Без — тугандаш шәһәрләр, һәм бүген бу статус кына түгел, ә реаль уртак эш, 7 юнәлеш буенча 31 чарага юл картасы. Бу хезмәттәшлек ике як өчен дә файдалы булыр дип ышанам», – дип ассызыклады Радмир Беляев.