Түбән Камада «Ярдәм янәшә» республика юридик десанты узды. Татарстан һәм Чувашия студентлары, «Немезида» отрядына берләшеп, шәһәр халкына бушлай юридик ярдәм күрсәттеләр, өлкәннәр һәм мәктәп укучылары өчен консультацияләр үткәрделәр, шулай ук киберкуркынычсызлык һәм буллинг белән көрәш турында лекцияләр укыдылар.

Шулай ук десантта катнашучылар Балигъ булмаганнар эшләре буенча комитет утырышында катнаштылар һәм архив эше белән шөгыльләнеп, Түбән Кама шәһәр судына ярдәм күрсәттеләр.

Инициатива «Россия студент отрядлары» һәм Татарстан Яшьләр эшләре министрлыгы ярдәмендә тормышка ашырылды.