«СИБУР Арена НК»да берьюлы ике мөһим вакыйгага – Җирле үзидарә көненә һәм шәһәрнең 60 еллыгына багышланган спартакиада узды. «Күңелле старт»та шәһәр һәм район Башкарма комитетларыннан, Түбән Кама муниципаль районы Советыннан, ТИҮС һәм авыл җирлекләреннән сигез команда көч сынашты.

Түбән Кама мэры Радмир Беляев хезмәттәшләрен котлады: «Яңа чакырулар, үсеш — болар барысы да бездән энергия һәм бердәмлек таләп итә. Иң мөһиме – кешеләргә хезмәт итү. Сезнең хезмәтегез, фидакарьлегегез һәм чын команда булуыгыз өчен һәркемгә рәхмәт!».

Ярышлар йомгаклары буенча спорт казанышлары гына түгел, эш урыннарындагы намуслы хезмәт тә билгеләп үтелде. Бүләкләү тантанасында алдынгы хезмәткәрләр бүләкләргә лаек булдылар.