27 марттан 3 апрельгә кадәр Түбән Камада «Россиянең нефть, газ, химия шәһәрләре театры атналыгы» дүртенче фестивале узачак. Программада, Әлмәтнең «Легкие крылья» театрының «Тролльбург» урам спектаклен, җирле театрларның премьераларын һәм Казан, Тверь, Воронеж, Екатеринбург һәм башка шәһәрләрнең иҗат коллективлары чыгышларын да кертеп, 12 спектакль уйналачак. Фестиваль 27 мартта ачыла.

Фестиваль кысаларында тамашачыларны комедия һәм мелодрамалар да, сәламәтлек мөмкинлекләре чикләнгән кешеләрнең талантларын күрсәтүче инклюзив постановкалар да көтә.