Әлеге телеграм-бот ярдәмендә шәһәр халкы шәһәр хезмәтләре эше һәм башка мәгълүматлар турында оператив мәгълүмат ала алачак. 

Бу хакта үзенең телеграм-каналында район башлыгы Радмир Беляев җиткерде: “Әле бик яшь булуына карамастан, бик күп сорауларга җавапны белә! Безнең ярдәмчебез җаваплы хезмәтләрнең контакт мәгълүматларын оператив рәвештә таба, администрация эше һәм шәһәр хезмәтләре эшчәнлеге белән бәйле сорауларга җавап бирә ала".

Шулай ук ул түбәнкамалыларга цифрлы ярдәмчегә бергәләп исем сайларга тәкъдим итте. 

Район башлыгы үз вариантларын тәкъдим итте: Кама, Камал, Камил, Камил. Бу пост астындагы комментарийларда үз вариантыңны тәкъдим итәргә мөмкин.

«Госпромт» платформасында эшләүче ясалма интеллект шәһәрнең мәгълүмати үзәге тарафыннан булдырылган. Район башлыгы сүзләренчә, вакыт узу белән бот "үсәчәк" һәм үз функционалын баетачак, ә киләчәктә аны Max илкүләм мессенджерына кертергә планлаштыралар.