Түбән Камада «А.С. Пушкин исемендәге 3 нче лицей» муниципаль бюджет белем бирү учреждениесе бинасын яңарту эшләре бара. Бу хакта үзенең телеграмма-каналында Түбән Кама шәһәре мэры Рамил Муллин хәбәр итте.

Белгечләр комплекслы эшләр башкаралар, шул исәптән:

- фасадларны реставрацияләү һәм түбәләрне модернизацияләү;

- уку сыйныфларының һәм иҗтимагый зоналарның эчке бизәлеше;

- инженерлык системаларын: электр үткәргечләрне, вентиляцияләрне, челтәрләрне (интернет, видеокүзәтү) алыштыру;

- яңа ишекләр һәм тәрәзәләр кую;

- янәшәдәге территорияне төзекләндерү (яшелләндерү, тротуарларны ремонтлау, ял итү зоналарын җиһазлау).

60 908 м2 мәйданлы капиталь ремонт учреждение инфраструктурасының барлык төп элементларын үз эченә алачак, ә проект яңа уку елы башына тәмамланачак.