Беркетмә-оештыру бүлеге җитәкчесе итеп Әхмәтвәлиева Гөлназ Нурислам кызы билгеләнде. Бу хакта «Эшлекле дүшәмбе»дә Түбән Кама районы башлыгы Радмир Беляев хәбәр итте.

Гөлназ Әхмәтвәлиева администрациядә 2022 елдан бирле эшли. Соңгы ике ел дәвамында ул Кадрлар сәясәте һәм персонал белән идарә итү бүлегенең баш белгече вазыйфасын башкарды.

«Гөлназ Нурислам кызы бу елларда җыйган тәҗрибә аңа мөһим бурычлар торган урында – чараларны сыйфатлы әзерләү һәм регламент процедураларының үтәлешен тикшереп торуда ярдәм итәренә нык ышанам», – дип билгеләде Радмир Беляев.