Түбән Каманың 60 еллыгын 22 августта бәйрәм итәчәкләр - шәһәр тантанасын уздыруның төп урыны мәйдан булачак. Бу хакта «Эшлекле дүшәмбе»дә шәһәр мэры Радмир Беляев хәбәр итте.
Ул шулай ук 5 февральдә шәһәрнең 60 еллыгына рәсми старт биреләчәген билгеләп үтте — аны зур тантаналы чара ачачак. Моннан тыш, Радмир Илдар улы искә төшергәнчә, юбилей чаралары кысаларында Түбән Камага нигез салучыларга хөрмәт йөзеннән 2026 ел Беренче төзүчеләр елы дип игълан ителде.

