Түбән Кама Бөтенроссия чисталык өмәсенә кушылды. Бу көнне гомуми файдаланудагы территорияләрне җыештыруга 1,5 меңнән артык кеше чыкты. Акциягә предприятие, идарәче компанияләр хезмәткәрләре, хакимият хезмәткәрләре, шулай ук шәһәр һәм районның битараф булмаган кешеләре кушылды. Алар тырышлыгы белән 200 кубометрдан артык чүп-чар чыгарылды.

Шуның белән беррәттән шәһәр хезмәтләре дә системалы рәвештә эшли: тукталышларны, бордюрларны юалар, юллардагы тузаннарны чистарталар, агачларның яраксыз ботакларын кисәләр.

Апрель башыннан санитар чистарту чараларында һәм өмәләрендә 14 меңгә якын кеше катнашты, 2 мең кубометрлап чүп җыелды.

«Читтә калмаучыларның һәм Түбән Каманы яхшырак итүчеләрнең барысына да рәхмәт!» - дип билгеләп үтте Түбән Кама районы башлыгы Радмир Беляев.