Н.В.Лемаев исемендәге нефть химиясе һәм нефть эшкәртү көллиятендә Ачык ишекләр көне узды. Көллияткә Татарстан, Удмуртия һәм Башкортстаннан йөздән артык егет һәм кыз кунак булды.

Булачак абитуриентлар һәм аларның ата-аналары белем бирү программалары һәм кабул итү кагыйдәләре белән таныштылар, уку аудиторияләренең һәм практик әзерлек лабораторияләренең заманча җиһазландырылышын күрделәр. 

Көллият кунакларында СИБУРның Түбән Кама предприятиесе активлыгы белән бәйле локацияләре аеруча кызыксыну уятты. “Түбән Кама Нефтехим”ның яшь белгечләре балаларга һәм аларның ата-аналарына виртуаль чынбарлык күзлекләре ярдәмендә җитештерүләр һәм фәнни үзәкләрне күрсәттеләр, карьера треклары һәм чыгарылыш укучыларының тарихлары белән таныштылар. Узган ел «Түбән Кама нефть химиясе»нә көллиятне тәмамлаучы 346 кеше кабул ителгән.

Кабул итү комиссиясе 20 июньнән эшли башлый. 

Көллияттә барлыгы 14 белем бирү программасы, 25 мастер, 95 укытучы, 50 дән артык уку лабораториясе бар. Аларның 24 е көллиятнең «Профессионалитет» федераль проектында катнашуы нәтиҗәсендә модернизацияләнгән.