Татарстан Республикасы Рәисе Рөстәм Нургали улы Миңнеханов карары белән, Татарстан Республикасы Премьер-министры урынбасары Ләйлә Ринат кызы Фазлыева ярдәмендә һәм СИБУР компаниясенең финанс катнашында Түбән Камага 35 нче лицейны үстерүгә өстәмә финанслау бүлеп бирелде.

Акчалар түбәндәге максатларга тотылачак:

• лицейны заманча өстәмә җиһазлар белән тәэмин итү;

• комплекслы төзекләндерү эшләрен башкару;

• химия, биология, физика һәм математика буенча өр-яңа лабораторияләр булдыру.

Финанслау күләме:

• 107 млн сум — Татарстан Республикасы акчалары;

• 59,6 млн сум — СИБУР (Түбән Кама нефтехим) компаниясе акчалары.

Түбән Кама мэры Радмир Беляев: «Исегезгә төшерәм, безнең шәһәрдә СИБУР компаниясе белән берлектә мәгариф кластеры гамәлгә ашырыла, һәм 35 нче лицей аның мөһим өлеше булып тора», - дип билгеләп үтте.