Түбән Кама мэры Радмир Беляев һәм «Алдынгылар хәрәкәте» хәрәкәте җитәкчесе Тимур Сөләйманов объектның апрельгә планлаштырылган ачылуга әзерлеген бәяләү өчен Түбән Камадагы Алдынгылар йортында булдылар.

Беренче катта баганаларны бизәүгә аерым игътибар бирелгән: хәзер анда барлык кызларның һәм малайларның исемнәре язылган - балалар килеп, үзләрен таба, карый һәм фотога төшә алачак. Баганаларның икенче ягында рус һәм татар телләрендә язылган мотивацион табличкалар урнаштырганнар. Беренче кат коридорында яшүсмерләр рәсемнәре күргәзмәсе өчен зона әзерләнгән.

Моннан тыш, беренче катта Түбән Каманың мактаулы гражданины Илдус Садыйков бюсты урнаштырылган. Бинаның фасадында аның исеме язылган такта куелган.

Икенче кат бәйрәмнәр һәм мәдәни чаралар уздыру урыны булачак: монда тантаналы рәвештә паспортлар тапшырылачак, дискотекалар һәм мастер-класслар үткәреләчәк.

«Ремонт тәмамланды диярлек, пәрдәләрне элеп куясы һәм җиһазларны урнаштырасы калды, — дип җиткерде Радмир Беляев. - Бина яшьләребезне шатландырсын өчен ачылышка кадәр барысын да эшләячәкбез».