Атналык планеркада Түбән Кама муниципаль районы Башкарма комитеты җитәкчесе Рөстәм Латыйпов шәһәрнең юбилеен — 60 еллыгын бәйрәм итүгә багышланган булачак чаралар турында доклад белән чыгыш ясады. Планнарның төп юнәлешләре юл инфраструктурасын масштаблы яңарту белән бәйле, аңа 3 млрд сум юнәлдереләчәк.

Лесная урамыннан алып Корабельная урамына кадәр (озынлыгы - 4,8 км) үзәк транспорт магистрален — Химиклар проспектын капиталь ремонтлауга аерым игътибар бирелә. Шулай ук 1,5 км озынлыктагы Октябрьнең 50 еллыгы проспектында өслекнең сыйфатын яхшырту буенча масштаблы эшләр башланачак.

Авыл территорияләренә аерым игътибар бирелә. Өстәмә ресурслар күп балалы гаиләләрнең җир участоклары тирәсендәге территорияләрне төзекләндерү өчен каралган.

Төбәк автомобиль юлларын һәм күперләрне ремонтлауга 2026 елда рекордлы 930 миллион сум юнәлдереләчәк, бу алдагы елда бүленгән суммадан өч тапкыр күбрәк.