«То самое место, или Вторая жизнь вещей» яңа спектаклендә балалар белән экология турында сөйләшүне маҗара һәм юмор аша алып баралар. Дима исемле укучы бала укытучыдан калдыкларны эшкәртү турында ишетә, төнлә исә гадәти булмаган төш күрә. Карават астында онытылган әйберләр — пакет, пластик шешә, иске оекбаш җанлана. Алар барысы да әйберләргә икенче тормыш бирә торган урын эзләргә китәләр. Түбән Каманың Яшь тамашачы театрының даими репертуарына кергән яңа спектакле нәкъ шулай башлана.

Күп кенә яшь тамашачылар өчен эшкәртү турындагы фактлар чын ачыш булды: «Мин хәтта пластик шешәдән – сумка, ә алюминий банкалардан яңа велосипед ясап булганлыгын күз алдына да китерә алмый идем», — дип җиткерде 13 яшьлек Вика Ногманова.

Спектакль шәһәрдә инде эшли торган Экойортны — икенчел чимал тапшырырга, эшкәртү турында белергә һәм иске әйберләрнең яңасына әверелүен күрергә мөмкин булган киңлекне тулыландырды. Спектакль әлеге белемнәрне балаларга якын һәм аңлаешлы телдә җиткерергә ярдәм итә.