Бүген «Эшлекле дүшәмбе»дә укучыларның уңышы артында торучыларны, балаларның сәләтләрен ачуда ярдәм итүчеләрне, аларның белемгә һәм яңа казанышларга омтылышын хуплаучыларны бүләкләделәр. Җиңүчеләрне әзерләүгә һәм аларның үсеше өчен шартлар тудыруга керткән өлешләре өчен педагоглар һәм мәгариф учреждениеләре җитәкчеләре Түбән Кама муниципаль районы башлыгының Рәхмәт хатлары белән бүләкләнделәр.

Күптән түгел Советлар Союзы Герое Гани Сафиуллин исемендәге Татарстан кадетлар корпусы кадетларының җиңүе зур уңыш булды. Алар «Аҗаган 2.0» хәрби-патриотик уенының республика этабында җиңүче булдылар. 32 нче гимназия II Бөтенроссия «Школа без обид» конкурсында җиңде, ул имин һәм уңайлы мәктәп мохите булдыру буенча илдә иң яхшысы булды.