Е.Н.Королев исемендәге Түбән Кама политехника көллияте студенты Константин Горбунов «Вакуум җайланмаларын эксплуатацияләү» компетенциясендә һөнәри осталык буенча «Профессионаллар» чемпионатының йомгаклау этабында җиңүче булды.

Чемпионатның йомгаклау этабы 25-29 май көннәрендә Мәскәүдә узды. Иң яхшылар исеме өчен киеренке көрәштә Россиянең сигез төбәгеннән региональ этапта җиңүчеләр катнашты.

Константин Горбуновның укытучысының эше дә югары бәя алды — эксперт, электротехника бүлеге мөдире Дарья Блохина, аның профессиональлеге һәм чемпионны әзерләүгә керткән өлеше оештыручылар тарафыннан билгеләп үтелде.