Зур капиталь ремонттан соң Түбән Камада тантаналы рәвештә перинаталь үзәкнең яңартылган Б корпусы ачылды. Тантанада ТР сәламәтлек саклау министры Альмир Абашев һәм Түбән Кама мэры Радмир Беляев катнашты.

 Хәзер Б корпусы – булачак әниләр, яңа туган балалар һәм медицина персоналы өчен уңайлы һәм куркынычсыз шартлар тудырылган заманча киңлек. Биредә биналарны тулысынча яңартып кына калмадылар, йөклелек һәм бала табуның барлык этапларында хатын-кызларны комплекслы озата бару системасын да төзеделәр.

 «Бу зур уртак эш нәтиҗәсе һәм Түбән Камада сәламәтлек саклау үсешенә игътибарны раслау. Хезмәткәрләр өчен заманча хезмәт шартлары тудырылган, учреждение иң югары дәрәҗәдә җиһазландырылган», — дип ассызыклады Альмир Абашев.

Радмир Беляев перинаталь үзәкнең бөтен Кама аръягы өчен әһәмиятле булуын билгеләп үтте: «Монда Түбән Камада яшәүчеләргә генә түгел, ә Татарстанның якын-тирә районнарыннан булачак әниләргә дә ярдәм күрсәтүче учреждениегә барлык шартлар да тудырылган. Үзәк коллективына көндәлек хезмәтләре өчен рәхмәт, шуның нәтиҗәсендә яңа тормыш барлыкка килә».

 Перинаталь үзәк заманча медицина җиһазлары алды. Бүген хастаханәдә Кама аръягының 20 районында яшәүчеләр медицина ярдәме ала.