Дәүләт Думасы депутаты Айдар Метшин Түбән Камада «ТАИФ» предприятиесе хезмәткәрләре белән очрашу уздырды. Анда сәнәгать проектлары, дәүләт программалары һәм завод эшчеләренең көндәлек эшләре турында фикер алыштылар. Аерым алганда, юлларны ремонтлау һәм социаль өлкә мәсьәләләре яңгырады.

 «Җитештерү масштабы һәм хезмәткәрләр турында кайгырту сөендерде. Үзем өчен очрашуда күтәрелгән мәсьәләләрне, аларның Дәүләт Думасында каралган темаларга туры килүен билгеләп үттем», – дип ассызыклады Айдар Метшин.

 Исегезгә төшерәбез, элегрәк Дәүләт Думасы депутаты «Татнефть» хезмәткәрләре, шулай ук мәктәпкәчә һәм мәктәп мәгариф педагоглары белән очрашкан иде.