Түбән Камада тузган җылыту һәм кайнар су челтәрләрен алыштыру буенча масштаблы кампания дәвам итә. Быел аны гамәлгә ашыру өчен «Татэнерго» АҖ филиалы — «Түбән Кама җылылык челтәрләре» 18 подряд оешмасын, 250 дән артык белгеч һәм 70 берәмлек техниканы җәлеп итте. Эш график буенча бара: бригадалар көн саен иртәдән кичкә кадәр эшлиләр.

Филиал директоры Илнар Галимҗанов сөйләвенчә, хәзерге вакытта агымдагы елга планлаштырылган 54 участокның 31 ендә эшләр алып барыла. Җиде объектта алар «Безнең ишегалды» программасы белән синхронлаштырылган. Яңартыла торган коммуникацияләрнең гомуми озынлыгы якынча 56 километр тәшкил итәчәк.

6 июльдән 15 июльгә кадәр гидравлик сынауларның икенче этабы — инфраструктураның киләсе сезонга әзерлеген тикшерү өчен кирәкле стандарт процедура узачак.