Казанда махсус хәрби операция катнашучылары өчен картинг буенча «Ватанны саклаучылар» ярышлары узды. Чара Россия Эчке эшләр министрлыгының Юл хәрәкәте иминлеге дәүләт инспекциясе оешуга 90 ел тулуга багышланган иде.

Түбән Кама районыннан әлеге ярышларда ике катнашучы катнашты: Түбән Камадан Камалетдинов Чыңгыз Тәлгать улы һәм Кама Аланы шәһәр тибындагы поселогыннан Шивалов Алексей Сергеевич. Ярышларда барлыгы 50 кеше катнашты. Ярышлар 10 кешелек биш заезд форматында узды, ә җиңүчене ике заездның иң яхшы нәтиҗәсе буенча билгеләделәр.

Чараның мәртәбәле кунаклары арасында югары дәрәҗәле затлар да: «Юл хәрәкәте куркынычсызлыгы» ДБУ директоры Рифкать Миңнеханов, «Ватанны саклаучылар» дәүләт фондының ТР буенча филиалы җитәкчесе Гүзәл Удачина; ТР буенча Эчке эшләр министрлыгының Дәүләт автоинспекциясе идарәсе башлыгы урынбасары Дамир Бикмөхәммәтов бар иде.

Ярышларда катнашучыларның барысы да истәлекле призлар һәм дипломнар белән бүләкләнде.