6 июньдә мәйданда «Сабантуй» милли бәйрәме була. Оештыручылар спорт ярышларын, тематик күргәзмәләрне, һөнәрчелек ярминкәләрен һәм концерт номерларын үз эченә алган масштаблы программа әзерләгәннәр. «Эшлекле дүшәмбе»дә бәйрәмне уздыру нечкәлекләре белән Түбән Кама муниципаль районы Башкарма комитеты җитәкчесе урынбасары Александра Офицерова уртаклашты.

Бәйрәм Беренче төзүчеләр елына һәм Түбән Каманың 60 еллыгына багышланган «Туган җир җылысы» театральләштерелгән прологыннан башланачак. Спектакльдә 600 дән артык кеше катнашачак. Рәсми өлеш районның авыл җирлекләре парады белән ачылачак, ул традицияләрнең бердәмлеген һәм күптөрлелеген күрсәтә.

Шәһәр барлыкка китерүче предприятиеләр мәйданчыклары бәйрәмнең аерылгысыз өлеше булачак. Алар балалар һәм өлкәннәр өчен үз интерактив зоналарын, республика артистлары концертларын һәм күргәзмә экспозицияләрен әзерлиләр.

Көн татар эстрадасы йолдызлары катнашындагы зур концерт программасы белән тәмамланачак.