Мәскәүдә «Россия чыршылары» бөтенроссия конкурсы җиңүчеләрен һәм призерларын бүләкләү тантанасы булды. Илнең иң яхшы инициативалары арасында — Түбән Камадан бронза призерлар. 12 нче һәм 13 нче микрорайон вәкилләре Алена Ладыкина һәм Татьяна Рогозинага бүләкләр тапшырдылар.

Барысы да күршеләрнең ишегалдында балалар өчен чыршы кую инициативасыннан башланды. Аннары бер-бер артлы шәһәр, республика һәм, ниһаять, федераль этапларда җиңүләргә ирешелде.

12 нче һәм 13 нче микрорайоннарның ТИҮС җитәкчесе Артем Демидов Кайманов урамы, 11 адресы буенча гамәлгә ашырылган проектны үз тавышы белән хуплаган барлык халыкка рәхмәт белдерде. "Бу безнең уртак җиңүебез!" - дип ассызыклады ул.