38 нче лицейда яшүсмерләр арасында күзәтүчесезлекне һәм хокук бозуларны кисәтүгә багышланган муниципаль форум узды. Очрашуга яшьләр белән көн саен эшләүче 300 дән артык белгеч җыелды.

Түбән Кама мэры шәһәрдә имин мохит булдыруга юнәлдерелгән антибуллинг программасы кабул ителүен билгеләп үтте. «Без балалар белән ничек эшләргә һәм начар очракларга юл куймаска кирәклеге турында сөйләшү өчен иң яхшы спикерлар белән чаралар үткәрергә карар кылдык. Балаларыбыз һәм өлкәннәребездә яхшы кәеф ешрак булсын иде», - дип белдерде Түбән Кама муниципаль районы башлыгы.

«Алдынгылар хәрәкәте» илкүләм балалар һәм яшүсмерләр хәрәкәтенең Татарстан бүлеге җитәкчесе Тимур Сөләйманов шәһәрнең яңа кызыклы проектлар белән алга таба да сөендерәчәгенә ышаныч белдерде. «Бу форум балалар, өлкәннәр һәм балалар арасындагы багланышларга һәм аралашуга багышлана. Монда бер генә рецепт була ала — ул мәхәббәт. Балаларга якын килү юлларын табарга һәм аларны яратырга кирәк. Ышанам ки, бу очрашу сезгә энергия бирер, яңа алымнарны алга таба үз мәктәпләрегезгә кулланырсыз», - дип ассызыклады ул.

Фикер алышу барышында катнашучылар сораулар бирә алдылар, катлаулы очраклар турында фикер алыштылар һәм авыр хәлдә калган яшүсмерләргә ярдәм итүдә бердәм алымнар булдырдылар.