Бүген Түбән Камада Сүбәләк трассасы буйлап пирамидаль тирәкләр – аллерген мамык җитештерми торган үзенчәлекле сорт утыртылды. Түбән Кама муниципаль районы Башкарма комитеты хезмәткәрләре, экологлар, шәһәрнең мәгариф учреждениеләре укучылары һәм «Алабуга-Политех» үзәге студентлары тырышлыгы белән 250 яшь агач утыртылды.

Түбән Кама муниципаль районы башлыгы урынбасары Ленар Әхмәтов билгеләп үткәнчә: «Түбән Кама шәһәре үзенең шәһәр төзүче предприятиеләре белән дан тота, күптән түгел безнең шәһәр тагын бер эре инвесторны, яңа стратегик партнерны – «Алабуга» МИЗ җәлеп итте. Без бергәләп монда сәнәгать паркы төзергә планлаштырабыз. Партнерның үз эшен шундый акциядән башлавы шәп».