Түбән Камада 2026 елгы Сабантуйның абсолют батыры булып Трудовой поселогында яшәүче Вадим Демидов танылды. Түбән Кама муниципаль районы башлыгы Радмир Беляев кулыннан ул төп бүләкне — яңа «Лада Гранта» автомобиле ачкычларын, шулай ук сарык тәкәсен алды.

Вадим Демидов көрәш белән 12 яшеннән шөгыльләнә. Ул безнең районның өч тапкыр батыры Федот Демидовның оныгы. Төп бүләк өчен көрәштә аның көндәше Шәңгәлче авылыннан Наил Зәйнуллин булды, ул инде 2021 елда җиңүче булган иде.

Шулай ук Сабантуйда яшьләр ярышларының абсолют батыры билгеләнде. Әмир Хафизов скутер белән бүләкләнде.