Түбән Кама районы башлыгы Радмир Беляев һәм «Якутск шәһәре» шәһәр округы башлыгы Евгений Григорьев эшлекле очрашу барышында төбәкара хезмәттәшлек перспективалары турында фикер алыштылар. Сабантуй кысаларында якутларның «Ысыах» милли бәйрәмен үткәрүгә әзерлек әңгәмәнең төп темасы булды.

Яклар оештыру мәсьәләләре буенча фикер алышып кына калмады, чараларны уңышлы гамәлгә ашыруга юнәлдерелгән кайбер карарлар да кабул итте. Озак вакытлы партнерлык турындагы ниятләрне раслап, мәдәният һәм мәгариф өлкәсендә хезмәттәшлек турында ике рәсми килешү имзаланды.

Документаль рәвештә мәдәни алмашуны түбәндәге учреждениеләр беркетте:

· «1 нче балалар сәнгать мәктәбе» өстәмә белем бирү» МБУ (Якутск) һәм «Тамчылар» балалар сәнгать мәктәбе» өстәмә белем бирү» МБУ (Түбән Кама).

· «Табага балалар сәнгать мәктәбе» өстәмә белем бирү» МБУ (Якутск) һәм «Созвездие» балалар сәнгать мәктәбе» өстәмә белем бирү» МБУ (Түбән Кама).

Килешүләр уртак белем бирү һәм иҗади проектларны гамәлгә ашыруны, шулай ук яшь талантларны үстерү өчен тәҗрибә уртаклашуны күздә тота.