Түбән Кама проекты «Байтик» лагеренда уза торган «ЭКОдулкын» яшьләр экология оешмаларының республика форумында җиңүче булды. 

«Экология турында» социаль әһәмиятле инициативалар конкурсында беренче урынны «Инклюзив волонтерлык отряды» берләшмәсенең «Экология - һәркем өчен» проекты алды.

Форум Татарстанның 23 районыннан 36 экологик берләшмә активистларын — мәктәп укучыларын, студентларны һәм яшь галимнәрне берләштерде. Анда ТР экология министры Азат Җиһаншин һәм ТР Дәүләт Советы депутаты Николай Атласов булды.

Җиңүче проект сәламәтлек мөмкинлекләре чикләнгән яшьләрнең иҗади үсешенә юнәлдерелгән. Мастер-класслар һәм иҗади дәресләр аша катнашучылар экология, эшкәртү һәм аңлы куллану темалары белән танышалар, командада эшләү күнекмәләрен үстерәләр һәм үзләренең сәләтләрен ачалар.