Бүген РФ Дәүләт Думасы депутаты Олег Морозов тантаналы рәвештә Түбән Кама химия-технология институтының иң яхшы студентларына исемле стипендияләр тапшырды. Югары уку йорты үзе сайлаган биш студент әлеге мактаулы бүләккә ия булды.

Парламентарий студентларга инде бишенче ел рәттән ярдәм күрсәтә. Стипендия укудагы, фәндәге, спорттагы һәм актив иҗтимагый эшчәнлектәге казанышлар өчен бирелә.

Бай педагогик тәҗрибәгә ия Олег Морозов студентлар өчен файдалы лекция дә үткәрде. Ул яшь буын белән актуаль темалар: илдәге икътисадый вәзгыять, тышкы мәсьәләләр, мәгарифнең әһәмияте һәм махсус хәрби операция белән бәйле вәзгыять турында фикер алышты. Лекциядән соң студентлар депутатка үзләрен кызыксындырган сорауларны бирә алдылар.