Түбән Кама районы башлыгы Радмир Беляев тиздән ремонт эшләре башланачак объектларны карап чыкты. Визит барышында җаваплы идарәләр һәм хезмәтләр белән берлектә эш планнары билгеләнде.

«Гаилә» илкүләм проекты нәтиҗәсендә 185 балага исәпләнгән 49 нчы балалар бакчасы ремонтланды. Монда түбә ремонтланачак, инженерлык челтәрләре һәм тәрәзәләр алыштырылачак. «Бакчаның фасады һәм аны косметик ремонтлауга өстәмә акча эзләячәкбез», – диде Радмир Беляев.

Делегация шулай ук Түбән Кама автовокзалын карады, аны ремонтлауга республика 87 млн сум бүлеп биргән. Монда керү төркемен һәм инженерлык челтәрләрен яңарту, уңайлы көтү зоналары булдыру планлаштырыла. Төп бурыч – биналарны өзлексез һәм җитәрлек җылылык белән тәэмин итү. «Бина зур — 2 мең кв. метр тирәсе, шуңа күрә аның алга таба ничек яшәячәген уйларга кирәк. Шул исәптән икенче катта кунакханә урнаштыру вариантын да карыйбыз», - дип өстәде шәһәр мэры.