7-9 октябрьдә Түбән Кама районында гражданнар оборонасы буенча штаб тренировкасы узачак. Бу хезмәтләрнең һәм идарә органнарының гадәттән тыш хәлләр вакытында гамәлләргә әзерлеген тикшерү өчен планлы укыту чарасы.

7 октябрьдә халыкка хәбәр итү системасын тикшерәчәкләр. 10:40 сәгатьтә электр сиреналары һәм хәбәр тарату җайланмалары кабызылачак. 10:43 тә телеканалларда һәм радиостанцияләрдә “Барыгызга да игътибар!” хәбәре җиткереләчәк.

Шулай ук кешеләр күп була торган объектларда тренировка кысаларында эвакуацияләү буенча гамәлләр башкарылачак.

Халыктан тынычлык саклауларын сорыйбыз. Барлык чаралар да укыту һәм планлы характерда.