“Кояшлы алан” паркында яңартылган футбол кырында иптәшләрчә матч узды, анда Түбән Кама администрациясе җыелма командасы һәм җирле эшмәкәрләр командасы очрашты.

Мондый матчларны уздыру традициясе – хакимият һәм бизнесның үзара хезмәттәшлегенең мөһим символы. Чараның әһәмиятен шәһәр мэры Радмир Беляев та ассызыклады:

"Түбән Камада бизнес һәм хакимиятнең үзара хезмәттәшлеге һәрвакыт бик актив булды. Бездә сәнәгать парклары үсә, яңа производстволар төзелә – боларның барысы артында эшмәкәрлеккә ярдәм үзәге хезмәткәрләре һәм тулаем администрация тора. Тыгыз диалогтан башка заманча чынбарлыкта бизнесны үстерү бик катлаулы булыр иде, ә мондый спорт ярышлары үзара мөнәсәбәтләрне ныгыта”.

Уен дустанә атмосферада узды. Ике тайм нәтиҗәләре буенча 4:1 исәбе белән администрация командасы җиңү яулады.