4 сентябрьдә «ДОСААФ» автомәктәбе базасында төрле яшьтәге катнашучыларны берләштерүче «Буыннар старты» конкурсы узачак. Чараны Түбән Кама районының «БДД» ДБУ һәм Гадәттән тыш хәлләр министрлыгы белән берлектә Дәүләт автоинспекциясе оештыра.

Катнашырга теләүчеләргә дүрт кешедән торган команда төзергә кирәк: әти, әни, 10-13 яшьлек бала, әби яки бабай.

Катнашучыларга юл хәрәкәте кагыйдәләрен, беренче медицина ярдәме күрсәтү нигезләрен, велосипед һәм автомобильне фигуралы йөртү күнекмәләрен күрсәтергә туры киләчәк.

Теркәлү өчен 1 сентябрьгә кадәр 89874192398 телефоны буенча гариза бирергә кирәк.