29 сентябрьдә Түбән Кама Халыклар дуслыгы йорты музыка, елмаю һәм милли традицияләр атмосферасы белән тулды. «Урал» автономиясенең яшьләр канаты активистлары, «Сал Урал» ансамбле солистлары, мәктәп укучылары һәм студентлар бер урынга җыелды.

Бәйрәм буыннарны берләштерде һәм һәркемгә башкорт халкының мәдәниятенә кагылу мөмкинлеген бүләк итте. Кунакларны тирмә янында алсу бавырсак тоткан Сөмбелә исемле чибәр кыз каршы алды. Курай һәм кубыз яңгырады, катнашучылар халык җырларын җырладылар, биеделәр, милли киемнәр белән таныштылар, табышмакларга кызыксынып җавап бирделәр.