Александр Алексеевич һәм Валентина Федоровна Заремовлар гаилә тормышының алтын юбилеен билгеләп үттеләр. Тантана «Гаилә» илкүләм проекты кысаларында узды.

Аларның мәхәббәт тарихы Түбән Кама тулай торакларының берсендә башланган. Анда ир белән хатын беренче тапкыр очрашалар, икенче көнне үк Александр Валентинаны туган көне белән котларга килә. Әлеге җылы күрешү 50 елдан соң алар кичергән зур тойгының башлангычы була.

Шушы еллар эчендә Заремовлар ике бала тәрбияләп үстерәләр, биш оныклары өчен иң яхшы әби-бабай булалар. Әмма аларның төп гаилә байлыгы – мәхәббәт, үзара хөрмәт, күңел җылысы һәм бер-береңне кайгырту.