Саба районы башлыгы Рәис Миңнеханов Түбән Камада эш сәфәре кысаларында шәһәр инфраструктурасы белән танышты. Игътибар үзәгендә Ситуацион үзәк — 155 күрсәткечне, 10 интерактив картаны һәм 25 эш юнәлешен берләштергән мәгълүмати‑аналитик система булды. Рәис Миңнехановны бу система кызыксындырды: ул җитәкчеләрнең кайсысы бу саннарны күрүен һәм күрсәткечләрне еш мониторлауларын ачыклады.

Түбән Кама мэры белән бергә алар Түбән Кама шәһәренең Төзелеш, ТКХ һәм төзекләндерү департаментында булдылар. Кунакка ТКХ колл-үзәге эше тәэсир итте: ай саен бирегә 4 меңнән артык гариза һәм 19 меңнән артык шалтырату килә. Барлык мөрәҗәгатьләр дә теркәлә һәм онлайн‑режимда карала, ә эшләрне башкару сроклары «Торак стандарты» программасы ярдәмендә контрольдә тотыла. Саба районы башлыгы оешманың югары дәрәҗәдә булуын билгеләп үтте.

Шәһәрдә СИБУР компаниясе төзегән мәгариф кластерына аерым игътибар бирелде. Түбән Кама химия-технология институтында кунакларга «СИБУРИНТЕХ» үзәген күрсәттеләр.

Түбән Каманың спорт киләчәге турында «СИБУР Арена» мәйданчыгында фикер алыштылар, анда бүген спортның 10 төре белән шөгыльләнәләр, һәм ул төзелеп килүче фиджитал-үзәктә үсәчәк.

Визит Түбән Кама термаларында - шәһәрнең төп эчке туризм объектында дәвам итте, ул инде дүртенче ел уңышлы эшли. «Алдынгылар йорты» мәйданчыгы да игътибарсыз калмады — яңа җәмәгать киңлегендә даими рәвештә белем бирү интенсивлары һәм экспертлар белән очрашулар уза.

СИБУРның Түбән Кама предприятиесе - «Түбән Кама Нефтехим»ның яңа административ-көнкүреш корпусы мәйданчыгында булу сәфәрнең төп ноктасы булды. 

Рәис Миңнеханов хезмәткәрләргә максималь уңайлыклар тудыру өчен төзелгән заманча СИБУР комплексын югары бәяләде.