Төбәкара хезмәттәшлекне үстерү кысаларында Татарстан Республикасында Кеше хокуклары буенча вәкаләтле вәкил Сәрия Сабурская Ставрополь краеннан коллегасы Николай Лисинский белән бергә хәрби часть инспекциясен оештырды, анда Татарстаннан 20 срочник хезмәт итә. Чарада шулай ук җәмәгать ярдәмчеләре Гөлия Балафендиева һәм Чулпан Ульданова катнашты.

Алар хезмәт шартларын бәяләделәр: казармаларда, азык-төлек блогында, ашханәдә, спорт комплексларында һәм уку полигонында булдылар. Туклану сыйфатына, санитария-гигиена нормаларына һәм ял итүне оештыруга аерым игътибар бирелде. Әмма иң мөһиме хәрбиләр белән шәхси аралашу булды — егетләр хезмәтләре турында сөйләделәр һәм өйләреннән сәлам буларак якташларыннан милли тәм-томнар алдылар.

Бу инспекция нәтиҗәләре ике төбәктә дә хәрби хезмәткәрләрнең хокукларын үтәүне контрольдә тоту системасын камилләштерү өчен кулланылачак.