Түбән Кама районының Кармалы авыл җирлеге башлыгы Наталья Мальцева яңа внедорожник алды.

«Казан Экспо» мәйданчыгында Татарстан Рәисе Рөстәм Миңнеханов муниципаль берәмлекләр арасында республика смотр-конкурсында җиңүчеләргә автомобиль ачкычлары тапшырды. Наталья Викторовнаның эше республика дәрәҗәсендә югары бәяләнде.

2026 елда конкурста барлык муниципаль районнар һәм ике шәһәр округы катнашты. Җиңүчеләргә Татарстан Рәисе исеменнән 100 автомобиль тапшырылды: 96 Lada Niva Travel җиңел автомобиле һәм 4 Sollers Atlant микроавтобусы.

Наталья Викторовнаны лаеклы бүләге белән котлыйбыз һәм киләчәктә дә җирлек халкы файдасына эшендә уңышлар телибез!