Кама Аланы Башкарма комитеты җитәкчесе итеп бертавыштан Илшат Альберт улы Мөбәрәкшин сайланды. Мондый карарны сессиядә җирле үзидарә Советы депутатлары кабул итте.

Илшат Мөбәрәкшин – тәҗрибәле белгеч. Хезмәт эшчәнлеген ул җитештерүдә башлаган, ә аннары үзен торак-коммуналь хуҗалык һәм төзекләндерү өлкәсендә тапкан. Төрле вакытта Илшат Альберт улы «Бердәм заказчы дирекциясе»ндә, идарәче компанияләрдә, Төзелеш, торак-коммуналь хуҗалык һәм төзекләндерү департаментында җитәкче урыннарны биләгән. Моннан тыш, ул Кама Аланы Башкарма комитеты җитәкчесе урынбасары да булып эшләгән.