8:00 дән 14:00 гә кадәр Түбән Каманың төп сәүдә мәйданчыгы сезне Көньяк ур., 7 адресы буенча урнашкан «Магнит» сәүдә үзәге янында көтә.

Түбән Кама, Баулы һәм Ютазы районнары фермерлары яшелчә, җиләк-җимеш, бал, өйдә тозланган ризыклар, сөт продукциясе, йомырка һәм авыл сырлары алып киләчәк. Гаилә өстәле өчен «хәләл» ит булачак: сыер ите, ат ите, сарык ите һәм кош ите.

Ярминкәләр шулай ук «Комета» комплексы янында, ә Кама Аланында «Олимпия» боз сарае каршындагы парковкада эшләячәк.