Быел Түбән Кама районы игенчеләренә 36 мең гектар җирдән уңыш җыярга туры киләчәк. Дүрт эре авыл хуҗалыгы оешмасы кампания башланыр алдыннан зур әзерлек эшләре башкардылар. Алар карамагында 49 берәмлек ашлык җыю комбайны бар, аларның әзерлеге 100% дип бәяләнә.

Хәзерге вакытта ремонт бригадалары техниканы соңгы көйләүне башкаралар. Моннан тыш, хуҗалыклар 100 млн сумлык запас частьләр сатып алганнар һәм ташламалы ягулык запасы туплаганнар. Агропредприятиеләрнең әзерлеген ТР Авыл хуҗалыгы һәм азык-төлек министрлыгы комиссиясе бәяләде. Җирле конкурс йомгаклары буенча Түбән Каманың «Союз Агро» ҖЧҖ «Прикамский» РПК беренче урынны алды. Хуҗалык комбайннар, культиваторлар, сугу агрегатлары һәм тракторлар белән таныштырды, шулай ук тәҗрибәле комбайнчылар коллективы белән таныштырды.

Бүген район аграрийлары алдында терлек азыгы әзерләүне уңышлы башкару бурычы тора. Урып-җыю кампаниясенә алар, һава торышы уңайлы булса, 20 июльдән соң чыгарга уйлыйлар.