Бүген Халык иҗаты йортында Укытучылар көненә багышланган бәйрәм концерты булды. Чара кысаларында яшь талантларны тәрбияләү белән шөгыльләнүче мәдәният өлкәсе хезмәткәрләре — балалар музыка мәктәпләре, бию сәнгате студияләре һәм балалар иҗаты үзәкләре педагоглары котланды һәм билгеләп үтелде.

Кунакларны әниләр каршы алды, балалар укытучыларга үз куллары белән ясалган открыткалар тапшырды, ә фотосессияләр өчен махсус фотозона оештырылды.

Түбән Кама муниципаль районы башлыгы Радмир Беляев укытучыларга хезмәтләре өчен рәхмәт белдерде: «Түбән Камада бик яхшы иҗат командасы. Бездә мәдәният өлкәсендә өстәмә белем бирүнең киң челтәре бар, әмма балаларны яратучы профессиональ педагоглар булмаса, бу буш стеналар һәм биналар гына булыр иде».

Түбән Кама мэры мәдәният өлкәсе вәкилләренә бүләкләр тапшырды.