Түбән Камада кышка әзерлек кысаларында өч этапта масштаблы өмәләр узачак. Һәр парк, учреждение һәм урамга җаваплы предприятиеләр, оешмалар һәм идарәләр беркетелгән. Кешеләр күпләп була торган территорияләргә һәм файдаланылмый торган җирләргә аерым игътибар биреләчәк.

Гомумшәһәр шимбә өмәләрен үткәрү чорында җыелган чүпләр Түбән Кама каты көнкүреш калдыклары полигонына бушлай кабул ителәчәк һәм урнаштырылачак.

Шәһәр халкын чисталыкка һәм төзекләндерүгә үз өлешләрен кертергә һәм масштаблы җыештыруга кушылырга чакырабыз. Уртак тырышлык белән без яраткан шәһәребезне кышка тиешенчә әзерли алачакбыз!