Бүген, Түбән Каманың 60 еллыгы уңаеннан, Җиңү монументы янында тантаналы рәвештә махсус хәрби операциядә катнашучыларга багышланган мемориаль комплекс ачылды.

Тантанада Татарстан Премьер-министры Алексей Песошин, Түбән Кама мэры Радмир Беляев, һәлак булган хәрбиләрнең гаиләләре, ветераннар, махсус операциядә катнашучылар һәм шәһәр халкы катнашты.

Алексей Песошин билгеләп үткәнчә, Түбән Каманы хаклы рәвештә хезмәт сөючеләр шәһәре, көчле характерлы һәм аерым язмышлы шәһәр дип атыйлар. Радмир Беляев ассызыклаганча, мемориаль комплекс һәлак булган геройларның гаиләләре белән бергә төзелгән.

Ачылыштан соң катнашучылар һәлак булганнарны бер минут тынлык белән искә алдылар һәм мемориаль комплекска чәчәкләр салдылар.