Түбән Кама районы башлыгы Радмир Беляев гражданлык бурычын үтәү өчен үз сайлау участогына гаиләсе белән килде.

"Балачактан сайлаулар минем өчен һәрвакыт бәйрәм булды. Әти-әнием белән сайлау участогына барганымны хәтерлим, анда һәрвакыт тантаналы атмосфера хөкемсөрә иде. Бүген сайлауларга үз гаиләм белән килдем. Балалар бу вакыйганың "эчендә" булырга тиеш дип саныйм", - дип билгеләде Радмир Беляев.

Ул ассызыклаганча, әлеге сайлауларда катнашу — федераль парламентта гражданнар мәнфәгатьләрен кем яклаячагын билгеләү мөмкинлеге ул.