Көзен Татарстанда юл хәрәкәте иминлеге буенча «Беләм. Юл хәрәкәте кагыйдәләрен үтим» мәгълүмати-уен проекты старт ала. Анда республиканың 15 районыннан һәм Чаллыдан 4020 укучы, шул исәптән Түбән Кама районыннан укучылар катнашачак.

Проектның төп максаты - балаларны кагыйдәләр аша гына түгел, ә практик биремнәр һәм уеннар аша да юлда дөрес йөрергә өйрәтү. Дәүләт автоинспекциясе мәгълүматлары буенча, юлдагы рисклар белән ешрак очрашкан урта сыйныф укучыларына аерым игътибар бирәләр.

Проект Татарстанда 2021 елдан бирле гамәлгә ашырыла. Бу вакыт эчендә 11 меңнән артык укучы катнашкан. Дәресләр нәтиҗәләре буенча һәр бала сертификат һәм яктылыкны кире кайтара торган брелок ала.

Түбән Кама районында дәресләр проектның көзге этабы кысаларында узачак.