Эш сәфәре кысаларында ТР вице-премьеры – икътисад министры Мидхәт Шаһиәхмәтов төрле пландагы дүрт предприятиене карап чыкты, аларның масштаблаштыруга әзерлеген һәм төбәк икътисадына керткән өлешләрен бәяләде.

KAMA TYRES шин комплексында аңа төп продукт линейкасын тәкъдим иттеләр һәм перспектив модельләр өчен инновацияләр белән уртаклаштылар. «Яшел үзән» МИЗ төзелеш мәйданчыгында министрга эшләрнең этаплары, аның икътисадый нәтиҗәсе һәм тармак үсеше турында сөйләделәр.

Шуннан соң кунаклар сәнәгать паркы территориясендәге «Айфлекс» компаниясенең икенче мәйданчыгына юнәлделәр, анда флексопакетлар җитештерәләр.

Программаның йомгаклау пункты булып икенчел полимерлар эшкәртү белән шөгыльләнүче «Ан-Намль» компаниясе булды.

Визит импортны алмаштыру, чималны тирәнтен эшкәртүне үстерү һәм циклик икътисад принципларын кертү буенча стратегик курсны күрсәтте.