Түбән Кама көллиятләре коллективлары «Казан» агросәнәгать паркында узган «Осталар шәһәре» республика авыл хуҗалыгы продукциясе һәм техник иҗат әйберләре ярминкә-күргәзмәсендә катнашты.

Түбәнкамалылар стенды «Ярминкә урынын иң яхшы бизәү» номинациясендә җиңүче дип табылды. Аларның экспозициясе шәһәрнең 60 еллыгына һәм аның тарихына багышланган иде – беренче төзүчеләрдән алып хәзерге белгечләргә кадәр.

Ярминкәнең төп принцибы: стендта күрсәтелгәннәрнең барысы да студентларның үз куллары белән эшләнгән. Ярминкәдә Татарстан Рәисе Рөстәм Миңнеханов та булды. Ул бу вакыйганы «Чын хезмәт һәм талант бәйрәме»дип атады.