Кичә И.Х.Садыйков исемендәге Алдынгылар йорты – Балалар һәм яшьләр иҗат сараеның 60 еллыгына багышланган тантаналы чара узды.

Бәйрәм кунакларын Түбән Кама муниципаль районы Башкарма комитеты җитәкчесе урынбасары Александра Офицерова сәламләде. Ул коллективны юбилей белән котлады һәм педагогларга профессиональлекләре һәм балалар тәрбияләүгә керткән өлешләре өчен рәхмәт белдерде.

Чара кысаларында хезмәткәрләргә район башлыгыннан рәхмәт хатлары тапшырылды. Кунаклар өчен учреждениедә тәрбияләнүчеләр чыгыш ясады.