Түбән Каманың 83 нче «Умырзая» балалар бакчасында Татарстанның төрле шәһәр һәм районнарыннан, шулай ук Мәскәү һәм Санкт-Петербургтан 40 гаилә командасын берләштергән Х Бөтенроссия «Гаилә хәбәрләре» фестиваль-конкурсы узды. Чара Габдулла Тукайның 140 еллыгына һәм Халыклар бердәмлеге елына багышланды.

Конкурс йомгаклары буенча Түбән Кама, Яр Чаллы, Актаныш һәм башка шәһәрләрдән килгән гаиләләр төрле номинацияләрдә җиңүче булдылар. Гран-прины Актаныштан Бикмөхәммәтовлар гаиләсе яулады, Түбән Камадан Корбановлар гаиләсе «Халык җыры» номинациясендә беренче урынны алды, «Халык биюе» номинациясендә Нуруллиннар гаиләсе иң яхшылар булды.