Кичә «Кванториум» техник иҗат һәм һөнәри юнәлеш бирү үзәгендә сәламәтлек мөмкинлекләре чикләнгән балалар арасында һөнәри осталык буенча «Абилимпикс» төбәк чемпионаты узды.

Ярышларда беренче тапкыр Түбән Кама мәктәпкәчә мәгариф учреждениеләрендә тәрбияләнүчеләр катнашты. 21 мәктәпкәчә яшьтәге бала «Робототехника», «Агрофермер» компетенциясендә үз көчен сынады.

Барлык балалар да биремнәрне уңышлы үтәде, бүләкләр һәм бик күп матур тәэсирләр алды. Яшь катнашучыларда бигрәк тә техник стендлар һәм роботлар белән заманча җиһазландырылган аудиторияләр кызыксыну уятты.

Җиңүчеләр:

«Робототехника» компетенциясе:

1 урын — Зарифуллина Мәрьям, 87 нче мәктәпкәчә мәгариф учреждениесе

2 урын — Сибгатуллин Хәким, 91 нче мәктәпкәчә мәгариф учреждениесе

3 урын — Прокуров Тимур, 12 нче мәктәпкәчә мәгариф учреждениесе

«Агрофермер» компетенциясе:

1 урын — Антропова Татьяна, 57 нче мәктәпкәчә мәгариф учреждениесе

2 урын — Грязнов Егор, 57 нче мәктәпкәчә мәгариф учреждениесе

3 урын — Смирнова Эвелина, 40 нчы мәктәпкәчә мәгариф учреждениесе